Sobre nós

Sobre nós

Desde a Federación de Comerciantes e Industriais do Morrazo pensamos no desenvolvemento dun portal web para potenciar o comercio da nosa comarca. Con esta idea en mente e dándolle forma co tempo creamos www.compranomorrazo.com no seu formato actual, como un espazo onde se combinan noticias da actualidade comercial do Morrazo con información dos nosos socios, aos que fixemos os verdadeiros protagonistas.

Asociarse a FECIMO ten moitas vantaxes. Se o desexas, un técnic@ da Federación visitarate para dar información en detalle de todo o que conleva ser asociad@ a Fecimo. Para comezar dámosche dez razóns:

  • Convenios: Os asociados a Fecimo contan coa posibilidade de desfrutar de importantes descontos en servizos tales como a telefonía, os combustibles, ou os seguros de saúde entre outros.
  • Formación: Ao longo do ano, a Federación, en colaboración con centros de ensinanza da Comarca, realiza cursos de formación e especialización para os seus asociados, co fin de que ano tras ano os interesados poidan adquirir novas habilidades e coñecementos.
  • Feiras: Cada ano, a Federación, dentro da súa labor de promoción do comercio da comarca, realiza feiras nos 3 concellos que acollen aos nosos asociados.
  • Lexislación: Estar asociado a Fecimo é unha vantaxe se che interesa solicitar unha subvención. Dende a Federación ofrecese asesoramento sobre os trámites pertinentes.
  • Subvencións: Como asociado/a a Fecimo poderás consultar toda a lexislación dispoñible no concerniente á túa actividade comercial ou empresarial e consultar cos técnicos da Federación os aspectos legais que queiras coñecer.
  • Información: A federación mantén informados a tódolos asociados das novidades que poidan ser de relevancia para as súas empresas. 
  • Ofertas: Ademais dos convenios con grandes empresas, os asociados a Fecimo poden desfrutar de importantes descontos de empresas asociadas para os demáis asociados. 
  • Actividades: Ademais da realización das feiras, os asociados a Fecimo desfrutan tódolos anos de infinidade de actividades e eventos organizados para promover o consumo na Comarca.
  • Representación: Os asociados a Fecimo desfrutan tamén da capacidade de negociación colectiva e representación ante as administracións da que dispón a Federación.
  • Compromiso: A participación na Federación ten un valor engadido para os seus asociados, Fecimo promove o respeto pola conservación do Morrazo e polo benestar da súa xente. 

Contacta connosco para unha reunión!